Б. Сыдыков атындагы Кыргыз-Өзбек Эл аралык университетинин профессордук-окутуучулар курамы жана кызматкерлери арасында спорттун волейбол, футбол, стол үстүндөгү теннис, шахмат, шайыр старттар жана тогуз коргоол түрлөрү боюнча кышкы спартакиада болуп өттү.
Кышкы спартакиаданын алгачкы күнү шайыр старттар эстафетасы жана шахмат мелдеши менен башталып, катышуучулар үчүн жагымдуу эс алуу уюштурулду. Спартакиаданын расмий ачылыш аземинде “Достук” спорт клубунун жетекчиси Азат Токтобаев командалардын даярдыгы тууралуу жетекчиликке рапорт берди. Университеттин ректору, экономика илимдеринин доктору, профессор Абдилбает Мамасыдыков өз сөзүндө профессордук-окутуучулар курамынын жана студенттердин спорт тармагындагы жетишкен ийгиликтерине токтолуп, сергек жашоону калыптандыруу менен бирге спорт менен үзгүлтүксүз алектенүүгө чакырды. Ошондой эле материалдык-техникалык базаны чыңдоо максатында башкы корпустун аймагына заман талабына ылайык спорттук имарат куруу пландары бар экенин белгиледи. Ал эми окуу жайдын Бириккен кесиптик бирлик комитетинин төрагасы Шерали Эгембердиев спорт аркылуу эмгек жамааттын ынтымагын бекемдөө маанилүү экенин айтып, катышуучуларга ийгилик каалады. Иш-чаранын алкагында окуу жайдын профсоюз уюму тарабынан кофе-брейк уюштурулуп, майрамдык маанай тартууланды. Спорттук беттештерге жалпысынан 9 команда катышууда. Спартакияга Ала-Бука кесиптик колледжинин окуттуучулар курама командасы барып келди.Ар бир спорттук оюндун түрлөрү боюнча команда активдүүлүгүн көрсөтө алды жана грамота баалуу сыйлыктарга ээ болушту